Urdhri i Infermierit të Shqipërisë njofton se në datat 9, 10 dhe 11 nëntor 2022, ora 09.00-12.00 bëhen regjistrimet për të gjithë ata që dëshirojnë të hyjnë në Provimin e Vlerësimit të Aftësimit Praktik (VAP) Nëntor 2022. Për të krijuar mundësinë e pjesëmarrjes në provim, të gjithë kandidatët e interesuar duhet të dorëzojnë pranë zyrave ku kanë bërë regjistrimin në praktikë dokumentat e mëposhtme:
- Kërkesë për regjistrim në provim, ku do të përcaktoni saktë për të satën herë hyni në provim praktike. (shkarkoje këtu)
- Fotokopje të diplomës, (ose vërtetim diplomimi) dhe listës së notave.
- Fotokopje e kartës së identitetit dhe kartës së praktikantit.
- Librezën e Praktikës. (Ata që e kanë dorëzuar në sezone të mëparshme, por më pas nuk janë paraqitur në provim, duhet të specifikojnë në Kërkesë sezonin kur e kanë dorëzuar).
Provimi do të jetë nga data 21-24 nëntor 2022.
Për listën emërore , adresën dhe orën e provimit VAP qëndroni në kontakt me faqen e UISH-së.
Iu urojmë suksese!
UISH