Ruajtja e standardeve të miratuara nga Ministri i Shëndetësisë në ushtrimin e profesioneve infermier/e, mami, fizioterapeft/e, teknik/e laboratori, teknik/e imazherie, logopedist/e, nëpërmjet mbikëqyrjes së normave të Kodit Etik-Deontologjik, si dhe mbrojtjes së pacientëve dhe të publikut nga kequshtrimi i këtyre profesioneve.

Në përmbushje të tyre UISH kryen regjistrimin e anëtarëve në regjistër dhe e përditëson atë; mbikëqyr zbatimin e detyrave profesionale, siguron udhëheqjen etiko- morale e deontologjike të anëtarëve. UiSH bashkëpunon për zhvillimi e standarteve profesionale: planifikim, hartim dhe zhvillimin e programeve të formimit profesional, si dhe realizon trajnime të ndryshme në fushën e edukimit në vazhdimësi.  Në përmbushje të misionit të tij konfirmon anëtarësinë në Urdhrin e Infermierit nëpërmjet dhënies së Lejës së Ushtrimit të Profesionit, si dhe garanton që anëtarët të përmbushin detyrimet e programit të riçertifikimit.